(1859)(!) Diálogo entre dos cocheros

link

Toribio: Oyes, Xuan, nunca creyera
que tú fueras tan babayu
que te ponxeres sombreru
chambergu con pluma al lladu;
con que á todos tiembla el cuayu.
¿Sabes lo que sinifica
el vestise de germanu?
Pos quier decir que ye unu
tan puzcalabre y tan malu
como lo fueren aquellos
que allá en los siglos pasados
se metieren en España
cuando el imperiu de Cárlos
á furfuganos con pechos,
á mandanos y á robanos,
protexidos por un cura
que llamaben D. Adrianu.
¡Mala fortuna pa ellos!
Eran tan llargos de manos,
que llevaben pa Alemania
hasta los vasos sagrados,
despues que las arcas riales,
habin dexau sin un cuartu,
y á los probes españoles
muriendo por afamiados.
Sé decite que en Asturies
non nos dexaron ni un clavu,
que comieron la cebera,
y que asolaron los campos,
convirtiendo en hespital
aquel ricu prencipadu
segun leí en unes coples
cuando era yo rapazacu.
Quítate, Xuan, el sombreru
de unos recuerdos tan malos,
Y que ye tan estranxeru
como el francés encopadu;
porque si non van decite
que eres un grande mazcayu.

Juan: Que pocu sabes, Toribiu,
y que pocu has destudiau
pa vivir en esti siglu
que llamen el ilustradu.
¿Non ves que se pon de moda
esi sombrero germánicu?
¿Que ya lu lleven señores
pasiándose por el Pradu
y que hasta nel estamentu
lu gastan los deputados?
¿Non ves que un probe cocheru
si quier ganar algun cuartu
tien que vestise a la moda
aunque sia de mamarrachu?
Yo bien conozo que ye
el tal sombreru alemanu
propiu pa vestir de antroxu
cuando vien el tiempu santu;
Porque puestu con lebitas
que llegan á los calcaños
nos tienen por de la pluma
si les plumes son de gansu;
mas como aquí en los Madriles
todo lo ves trastornadu,
el que vien de las Asturies
tien que hacese madrilanu.
Yo mas quiero una montera
que todos esos plingayos;
mas si me dan á escoller
yo non soy afrancesau,
yo quiero mas el chambergu
por lixeru y adomau.
que el sorbeteru francés
por duru y por empinadu.

Toribio: Amigu, las tos razones
me dexaron ablucado.

¿Pero non será posible
que un sombrereru afamadu
discurra una tapadera
que venga bien con el habitu
que se gasta en esti siglu?
¿Un sombreru puru-hispanu
imitando al andaluz,
al burgalés, al navarru,
y que siquiera nos llibre
de esi tributu villanu
que se paga al estranxeru
en inviernu y en veranu,
con les sos maldites modes
dende el mas altu al mas baxu?

Juan: ¡Ay Toribiu! ya yo veo
que eres un grande babayu.
Invenciones españolas
se ven siempre de soslayu;
porque somos y hemos sido
desde los tiempos de antañu,
los que mas guerra facdemos,
á lo mismu que inventamos,
Habís quedate aturdidu
si oyeras á cada pasu
que en la nación todos somos
como en Asturies los cámbaros:
que no adelantamos nada:
que somos unos mazcayos;
y que inventar en España
ye pedir peras al álamo.
Me parez una mentira
tan miserable amor pátriu.
¿Pero qué hemos de facer?
Diz el refran que vivamos
como se vive en el mundio
pa no sufrir descalabros,
que el que se fai redentor
siempre sal crucificadu.